Kurmapurana 4.p5

4.p5

pañcabhūtānyahaṃkārāttanmātrāṇi ca jajñire | indriyāṇi ca sarvāṇi sarvaṃ tasmātmajaṃ† jagat || manastvavyaktajaṃ proktaṃ vikāraḥ prathamaḥ smṛtaḥ | yenāsau‡ jāyate karttā bhūtādīṃścānupaśyati || vaikārikādahaṃkārātsargo vaikāriko'bhavat§ | taijasānīndriyāṇi syurdevā vaikārikā daśa || ekādaśaṃ manastatra svaguṇenobhayātmakam | bhūtatanmātrasargo'yaṃ bhūtāderabhavadvijāḥ || bhūtādistu vikurvāṇaḥ śabdamātraṃ sasarja ha | ākāśeṇa jāyate tasmāttasya śabdo guṇo mataḥ || ākāśastu vikurvāṇaḥ sparśamātraṃ sasarja ha|| | vāyurutpadyate tasmāttasya sparśaṃ guṇaṃ viduḥ || vāyuścāpi vikurvāṇo rūpamātraṃ sasarja ha | jyotirutpadyate bāyostadrūpaguṇamucyate