Kurmapurana 5.p4

5.p4

brahmaṇo divase viprā manavaśca caturdaśa | svāyambhuvādayaḥ sarve tataḥ sāvarṇikādayaḥ || tairiyaṃ pṛthivī sarvā saptadīpā saparvatā | pūrṇaṃ yugasahasraṃ vai paripālyā narośvaraiḥ || manvantareṇa caikena sarvāṇyevāntarāṇi vai | vyākhyātāni na sandehaḥ kalpe kalpe na caiva hi | brāhmamekamahaḥ kalpastāvatī rātririṣyate | caturyugasahasraṃ tu kalpamāhurmanīṣiṇaḥ || trīṇi kalpaśatāni syustathā ṣaṣṭirddijottamāḥ | brahmaṇo vatsarastajjñaiḥ kathito vai dvijottamāḥ || sa ca kālaḥ śataguṇaḥ parārddhaṃ caiva taddiduḥ | † tasyānte sarvasattvānāṃ svahetau prakṛtau layaḥ || tenāyaṃ procyate sadbhiḥ prākṛtaḥ pratisaṃcaraḥ | brahmannārāyeśānāṃ trayāṇāṃ prakṛtau layaḥ || procyate kālayogena punareva ca sambhavaḥ | evaṃ brahmā ca bhūtāni vāsudevo'pi śaṅkaraḥ || kālenaiva tu sṛjyante saeva grasate punaḥ | anādireṣa bhagavān kālo'nanto'jaro'maraḥ