Ancient Indian Historical Tradition c18.75

c18.75

tasmin kāle tu Bharato bahubhiḥ kratubhir vibhuḥ
kāmya-naimittikair yajñair ayajat putra-lipsayā
yadā sa yajamāno vai putraṃ nāsādayat prabhuḥ
yajñaṃ tato Marut-somam putrārthe punar āharat
tena te Marutas tasya Marut-somena toṣitāḥ 5
upaninyur Bharadvājam putrārtham Bharatāya vai
dāyādo ’ṅgirasaḥ sūnor aurasas tu Bṛhaspateḥ
saṅkrāmito Bharadvājo Marudbhir Bharatam prati
Bharatas tu Bharadvājam putram prāpya vibhur bravīt
prajāyāṃ saṃhṛtāyāṃ vai kṛtārtho ’haṃ tvayā vibho 10
pūrvam tu vitathe tasya kṛte vai putra-janmani
tatas tu Vitatho nāma Bharadvājāt suto ’bhavat
tasmād divyo Bharadvājo brāhmaṇyāt kṣatriyo ’bhavat
dvyāmuṣyāyaṇa-nāmā sa smṛto dvi-pitaras tu vai
tato ’tha Vitathe jāte Bharataḥ sa divam yayau 15
Bharadvājo divam yāto hy abhiṣicya sutam ṛṣiḥ