A History of Indian Literature v3.c35.s8.96

v3.c35.s8.96

1 *mṛgāḥ pracaṇḍātapatāpitā bhṛśaṁ*
*tṛṣā mahatyā pariśuṣkatālavaḥ* ।
*vanāntare toyamiti pradhāvitā*
*nirīkṣya bhinnāñjanasannibhaṁ nabhaḥ* ॥
2 *ravermayūkhairabhitāpito bhṛśaṁ*
*vidahyamānaḥ pathi taptapāṁśubhiḥ* ।
*avāṅmukhojjihmagatiḥ śvasanmuhuḥ*
*phaṇī mayūrasya tale niṣīdati* ॥
3 *tṛṣā mahatyā hatavikramodyamaḥ*
*śvasanmuhurdūravidāritānanaḥ* ।
*na hantyadūrepi gajān mṛgeśvaro*
*vilolajihvaścalitāgrakesaraḥ* ॥
4 *viśuṣkakaṇṭhāhṛtasīkarāmbhaso*
*gabhastibhirbhānumatānutāpitāḥ* ।
*pravṛddhatṛṣṇopahatā jalārthino*
*na dantinaḥ kesariṇopi bibhyati* ॥
5 *tṛṣākulaiścātakapakṣiṇāṁ kulaiḥ*
*prayācitāstoyabharāvalambinaḥ* ।
*prayānti mandaṁ bahudhāravarsiṇo*
*balāhakāḥ śrotramanoharasvanāḥ* ॥
6 *sadāmanojñaṁ svanudtsavotsukaṁ*
*vikīrṇavistīrṇakalāpaśobhitam* ।
*sasambhramāliṅganacumbanākulaṁ*
*pravṛttanṛtyaṁ kulamadya barhiṇām* ॥
7 *nipātayantyaḥ paritastaṭadrumān*
*pravṛddhavegaiḥ salilairanirmalaiḥ* ।
*striyaḥ suduṣṭā iva jātavibhramāḥ*
*prayānti nadyastvaritaṁ payonidhim* ॥
8 *payodharairbhīmagabhīranisvanais-*
*taḍidbhirudvejitacetaso bhṛśaṁ* ।
*kṛtāparādhānapi yoṣitaḥ priyān*
*pariṣvajante śayane nirantaram* ॥