History of Dharmashastra (Ancient and Mediaeval Religious and Civil Law in India) v1.c6.s47.17

v1.c6.s47.17

⁵³⁸ The words of the Mit. are : यदपि मतं पिता हरेदपुत्रस्य रिक्थं भ्रातर एव वा ( मनु 9. 185 ) इति मनुस्मरणात्, तथा-स्वर्यातस्य ह्यपुत्रस्य भ्रातृगामि द्रव्यं तदभावे पितरौ हरेयातां ज्येष्ठा वा पत्नीति शङ्खस्मरणाच्च अपुत्रस्य धनं भ्रातृगामीति प्राप्तं भरणं चास्य कुर्वीरन् स्त्रीणामाजीवनक्षयादित्यादिवचनाच्च भरणोपयुक्तं धनं पत्नी लभत इत्यपि स्थितम् । एवं स्थिते बहुधने अपुत्रे स्वर्यात भरणोपयुक्तं पत्नी गृह्णाति शेषं च भ्रातरो यदा तु पत्नीभरणमात्रोपयुक्तमेव द्रव्यमस्ति ततो न्यूनं वा तदा किं पत्न्येव गृह्णाति उत भ्रातरोपीति विरोधे पूर्वबलीयस्त्वज्ञापनार्थ पत्नी दुहितर इत्यारब्धमिति । तदप्यत्र भगवानाचार्यो न मृष्यति । यतः । पिता हरेदपुत्रस्य ... इति विकल्पस्मरणान्नेवं क्रमपरमपि तु धनग्रहणेऽधिकारप्रदर्शनमात्रपरम् । तच्चासत्यापि पत्न्यादिगणे घटते इति व्याचचक्षे ।