Republics in Ancient India, c. 1500 B.C.–500 B.C. c17.s4.2

c17.s4.2

Porāṇaṁ Vajji-dhammaṁ ti ettha pubbe kira Vajji-rājāno: Ayaṁ coro ti, ānetvā dassite: ‘Gaṇhatha taṁ coraṁ’ ti avatvā *vinicchaya-mahāmattānaṁ* ¹ denti. Te vinicchinitvā sace acoro hoti vissajjenti; sace coro hoti attanā kiñci avatvā ² *vohārikānaṁ* denti. Te pi vinicchinitvā acoro ce, vissajjenti, coro ce, *suttadharā* ³ nāma honti tesaṁ denti. Te pi vinicchinitvā, acoro ce, vissajjenti, coro ca, *aṭṭhakulikānaṁ* ⁴ denti. Te pi tath’eva katvā *senāpatissa*, senāpati *uparājassa*, uparājā *rañño* rājā vinicchinitvā, acoro ce, vissajjeti, sace pana coro hoti *paveṇī-potthakaṁ* vācāpeti. Tattha yena idaṁ nāma kataṁ tassa ayaṁ nāma daṇḍo ti, likhitaṁ, rājā tassa kiriyaṁ tena samānetvā tadanucchavikaṁ daṇḍaṁ karoti. Iti evaṁ porāṇaṁ Vajji-dhammaṁ samādāya vattantānaṁ manussā na ujjhāyanti, rājāno porāṇaka-paveṇiyā dhammaṁ ⁵ karonti. Etesaṁ doso n’atthi amhākaṁ yeva doso ti, appamattā kammante karonti. Evaṁ rājūnaṁ vuddhi hoti. Yena vuttaṁ vuddhi yeva Ānanda Vajjīnaṁ pāṭikaṅkhā no parihānī ti.