Original Sanskrit Texts on the Origin and History of the People of India, their Religion and Institutions v1.c8.s2.34

v1.c8.s2.34

*Ṛikshād Bhīmasenas tatas cha Dilīpaḥ | Dilīpāt Pratīpas tasyāpi Devāpi S'āntanu-Vāhlīka-sanjnās trayaḥ putrāḥ babhūvuḥ | Devāpir bālaḥ eva araṇyaṁ viveśa | S'āntanūr avanīpatir abhavat | ayaṁ cha tasya ślokaḥ pṛithivyāṁ gīyate "yaṁ yaṁ karābhyāṁ spṛiśati jīrṇaṁ yauvanam eti saḥ | śāntiṁ chāpnoti yenāgryāṁ karmaṇā tena S'āntanuḥ" | tasya S'āntanoḥ rāshṭre dvādaśa varshāṇi devo na vavarsha | tataścha aśesha-rāshṭra-vināśam avekshya asau rājā brāhmaṇān apṛichhad "bhoḥ kasmād asmin rāshṭre devo na varshati | ko mama aparādhaḥ" iti | te tam ūchur "agrajasya te 'rhā iyam avanis tvayā bhujyate parivettā tvam" | ity uktaḥ sa punas tān apṛichhat "kim mayā vidheyam" iti | tena tam ūchur "yāvad Devāpir na patanādibhir doshair abhibhūyate tāvat tasya arhaṁ rājyam | tad alam etena tasmai dīyatām" | ity ukte tasya mantri-pravareṇa Aśmasāriṇā tatra araṇye tapasvino veda-vāda-virodha-vaktāraḥ prayojitāḥ | tair ati-ṛiju-mater mahīpati-putrasya buddhir veda-virodha-mārgānusāriṇy akriyata | rājā cha S'āntanur dvija-vachanotpanna-parivedana-śokas tān brāhmaṇān agraṇīkṛitya agraja-rājya-pradānāya araṇyaṁ jagāma | tad-āśramam upagatāś cha tam avanīpati-putraṁ Devāpim upatasthuḥ | te brāhmaṇāḥ veda-vādānuvṛiddhāni vachāṁsi "rājyam agrajena karttavyam" ity arthavanti tam ūchuḥ | asāv api veda-vāda-virodha-yukti-dūshitam aneka-prakāram tān āha | tatas te brāhmaṇāḥ S'āntanum ūchur "āgachha bho rājann alam atra ati-nirbandhena | praśāntaḥ eva asāv anāvṛishṭi-doshaḥ | patito 'yam anādi-kāla-mahita-veda-vachana-dūshaṇochchāraṇāt | patite cha agraje naiva pārivettryaṁ bhavati" | ity uktaḥ S'āntanuḥ sva-puram āgatya rājyam akarot | veda-vāda-virodhi-vachanochchāraṇa-dūshite cha jyeshṭhe 'smin bhrātari tishṭhaty api Devāpāv akhila-sasya-nishpattaye vavarsha bhagavān Parjanyaḥ |*