Studies in the Medicine of Ancient India, Part I: Osteology, or the Bones of the Human Body c7.s5.t3.2

c7.s5.t3.2

Atha punaḥ Sauśrute śalya-tantre tu trīṇy=eva śatāni | teṣām=aṣṭottara-śataṁ śākhāsu | ṣaḍviṁśaty-uttara-śataṁ śroṇi-pārśva-pṛṣṭh-ākṣ-oraḥsu | grīvāyāṁ praty-ūrdhvaṁ ṣaṭṣaṣṭiḥ | evam=asthnāṁ trīṇi śatāni pūryante || Ekaikasyāṁ tu pād-āṅgulyāṁ trīṇi trīṇi, tāni pañcadaśa | tala-kūrca-gulpha-saṁśritāni sapta | pārṣṇāv=ekam | jaṅghāyāṁ dve | jānuny=ekam | ekam=ūrāv=iti saptaviṁśatir=ekasmin sakthni bhavanti | eten=etara-sakthi, bāhū ca vyākhyātau | tāny=aṣṭ-ottara-śatam=asthnām | śroṇyāṁ pañca, teṣāṁ dve nitambe, guda-bhaga-trika-saṁśritam=ekaikam | pārśve ṣaṭtriṁśat | evam=ekasmin=dvitīye 'py=evam | pṛṣṭhe triṁśat | dve akṣa-saṁjñe | saptadaś=orasi | grīvāyām=ekādaśa | kaṇṭhanādyāṁ catvāri | dve hanvoḥ | dantā dvātriṁśat | nāsāyāṁ trīṇi | dve tāluni | gaṇḍa-karṇa-śaṅkheṣv=ekaikam, tāni ṣaṭ | ṣaṭ=śirasi ||