Census of the Exact Sciences in Sanskrit, Series A v1.c7.148

v1.c7.148

āsīd asīmamahanīyamahā maharṣiḥ
śāṇḍilya ity akhilabhūvalayāvatamsaḥ/
yad dhomadhūmapaṭalena kalindakanyā-
sambhedakāntir abhavad divi devanadyāḥ//2//
ambhojabūr iva babhūva maheśvarākhyo
vamśe viśālatapasaḥ prathitasya tasya/
jñānī manorathasutaḥ śrutisadma satya-
lokāśrayo vibudharājāśirodhṛtāṅghriḥ//3//
yaḥ śekharākhyam karaṇam grahānām
praṣṭham pratiṣṭhāvidhidīpakam ca/
cakre phalagrantham api sphuṭārtham
laghum ca ṭīkām laghujātakasya//4//
tasmād aśeṣanijavamśaviśeṣako ’bhūt
saujanyabhūḥ sakalasādhudhuram dadhānah/
vāṇīvilāsavasatiḥ śrutipāraḍṛśvā
śrīśrīpatiḥ kṛtiniṣevitapādapadmaḥ//5//
tasyāganyaguṇārṇavo gaṇapatiḥ puṇyātmānām agraṇīḥ
sūnuḥ sūnṛtavakkavirajavibhur vidyānidhir vidyate/
śiṣyājñānatamāṃsi yasya nudato jātā jagadvyāpinī
kīrtiḥ kṛtsnakalākālāpanilayasendoh prabhevojjvalā//6//
sadvidyadvijavṛndavanditapadadvandvāt tato ’jāyata
jyāyaḥkīrtir anantadeva iti yas triskandhaśāśrāśrayaḥ/
ramyam brahmavinirmitam vyavṛṇuta chandaściter uttaram
horāṃ ca pravarāṃ varāhamihirācāryapraṇītām pṛtham//7//