Census of the Exact Sciences in Sanskrit, Series A v3.c12.1405

v3.c12.1405

śrīsūryavaṃśo bhuvanaprakāśakas tatrāpi puṇyaṃ kathitaṃ raghoḥ kulam/ tatrāpi kīrtiḥ kila mānavamśajā pāvitryam etad bhṛśam uttarottaram//14// bhāsvadvaṃśavataṃsatāṃ dadhati ye dharmātmanāṃ dhīmatām dhaireyā dharaṇitale suviditā māndhātṛmukhyā nṛpāḥ/ tasminn eva kule ʾmale vidhur iva kṣīrāmbudhau pārthivāḥ pṛthvīrāja iti prasiddha udabhūd yo viṣṇubhaktāgraṇīḥ//16// tasyābhūt tanayas trivikrama ivāvirbhūtasadvikramaḥ pṛthvībhārasamudhādhāraṇavidhau śeṣāvatāraḥ svayam/ adhyambāvati yaś ca rājyam akarol labdhaṃ nijaṃ paitṛkam vikhyāto bhuvi bhāramalla iti sa kṣoṇībhṛtāṃ śekharaḥ//18// tasya śrībhagavantadāsa uditaḥ putraḥ pavitrakriyaḥ śūraḥ kṣatriyavaṃśavistaraśirolaṅkārāhīrāṅkuraḥ/ indraprasthapurādhirājapuruṣaprotthāpanasthāpanasvacchandaprasaratpratāpamahimā yo ʾbhūt prabhūtaḥ svayam//19// tasyābhūd bhūribhūmīpativinataśiromaṇjumāṇikyamālāsthāne saṃsthāpitājñāmayamadhuravacā medinīmaṇḍalasya/ sākṣād akhaṇḍalo yaḥ pratidharaṇibhṛtām mānasamchedanārtham hastanyastāsavajraḥ samarabhuvi jayī mānasimho mahindraḥ//20// tasyābhūd bhāsamāno bhavabhavanabhavadbhūribhāgyaprabhāvo bhūbhartā bhārabhartā bhuvanabhavikabhṛdbhūyasām vaibhavānām/ bhāvānite bhavānīpatibhajanabhare bhāvitābhrāntabhavyo bhūbhūṣā bhāvabhāg bhābhavanam abhibhavan bhūpatin bhāvasimhaḥ//29// samudbhūto ʾmuṣmād anupamadhanuṣmān atimahā mahāsiṃho nāma kṣitivibudhakāmakṣitiruhaḥ/ tapodhyānāsaktaiḥ paramaharibhaktaiḥ sukṛtibhiḥ śubhāśīrbhiḥ sadyah pratigatavipadyah samabhavat//31// tasyātmajo narapatir jayasimhavarmā karmāṇi yasya kalayann avaraṅgajebaḥ/ siṃhāsanasthitimadaṃ vijahau samantāt santāpitaḥ parabalodayibhiḥ pratāpaiḥ//32// tatputro rāmasimhaḥ sakalavasumatībhāgyasaubhāgyabhūmā bhūyaḥ śyāmāsidhūmānumitaparabalottāpitejohutāśaḥ/ yatsaundaryaprasārair jagati ratipatir bhāvinam mānabhaṅgam svasyābhijñāya vijñas tanum atanuharakrodhakuṇḍe juhāva//39// tasya nṛpasya kumāraḥ kumāra iva pārvatīsasya/ śrīkṛṣṇasiṃhanāmā jātaḥ śrīkṛṣṇacaraṇadhṛtacittaḥ //45//