History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c55.s1.23

c55.s1.23

तद्रोमकान्तं स्फुटिताद्यतो रोमोद्गमो भवेत् । 88-89
मदोक्तगञ्जः सूतः कान्तमङ्गसमुच्यते ॥
श्वेतं खात्वा गृहीतव्यं तन्नयत्नेन धीमता ।
मारुतातपविक्षोभं वर्जयेन्नात्र संशयः ॥ 92-93
पात्रे¹ यस्य प्रसरति जले तैलविन्दुर्न लिप्तं
गन्धं हिङ्गु त्यजति च तथा तिक्ततां निम्बकल्कः ।
पाके दुग्धं भवति शिखराकारकं नैति भूमिं
कान्तं लोहं तदिदमुदितं लक्षणोक्तं न चान्यत् ॥ 94.
रेतितं घृतसंयुक्तं क्षिप्त्वायः खर्परे पचेत् ।
चालयेल्लोहदण्डेन यावत् क्षिप्तं तृणं दहेत् ॥
पिष्ट्वा पिष्ट्वा पचेदेवं पञ्चवारमतः परम् ।
धात्रीफलरसैर्यद्वा त्रिफलाक्वथितोदकैः ।
पुटेल्लोहं चतुर्वारं भवेद्वारितरं खलु ॥ 104-105
तीक्ष्णलोहस्य पत्राणि निर्दल्यानि दृढेऽनले ।
ज्ञात्वा क्षिपेज्जले सद्यः पाषाणोलूखलोदरे ॥
खण्डयेद्दृढनिघातैः स्थूलया लोहपारया ।
तन्मध्यात्³ स्थूलखण्डानि रुङ्घा मल्लद्वयान्तरे ॥
ध्मात्वा क्षिप्त्वा जले सम्यक् पूर्व्ववत् खण्डयेत् खलु ।
तच्चूर्णं सूतगन्धाभ्यां पुटेद्विंशतिवारकम् ॥