The Shulbasutras of Baudhayana, Apastamba, Katyayana and Manava: With Text, English Translation and Commentary c6.s3.37

c6.s3.37

*2.2 paitṛkyāṃ dvipuruṣaṃ samacaturaśraṃ kṛtvā karaṇīmadhye śaṅkavaḥ sa samādhiḥ |* *2.3 karaṇī tatkaraṇī tiryaṅmānī pārśvamānyakṣṇayā ceti rajjavaḥ |* *2.4 padaṃ tiryaṅmānī tripadā pārśvamānī tasyākṣṇyā rajjurdaśakaraṇī |* *2.5 evaṃ dvipadā tiryaṅmānī ṣaṭpadā pārśvamānī tasyākṣṇayā rajjuścatvāriṃśatkaraṇī |* *2.6 upadiṣṭaṃ yugapramāṇaṃ śamyāpramāṇaṃ ca darśanāt |* *2.7 dīrgha*⁶*caturaśrasyākṣṇayā rajjustiryaṅmānī pārśvamānī ca yatpṛthagbhūte kurutastadubhayaṃ karotīti kṣetrajñānam |* *2.⁸ samacaturaśrasyākṣṇayā rajjurdvikaraṇī |* *2.⁹ karaṇīṃ tṛtīyena vardhayettacca svacaturthenātmacatustriṃśonena saviśeṣa iti viśeṣaḥ*⁷ *|* *2.10 pramāṇaṃ tiryak dvikaraṇyāyāmastasyākṣṇayā rajjustrikaraṇī |* *2.11 tṛtīyakaraṇyetena vyākhyātā | pramāṇavibhāgastu navadhā karaṇītṛtīyaṃ navabhāgaḥ | navabhāgāstrayastṛtīyakaraṇī |* *2.12 sautrāmaṇyāṃ prakramārthā | tṛtīyakaraṇī samāsārthā |* *2.13 tulyapramāṇānāṃ samacaturasrāṇāmuktaḥ samāsaḥ | nānāpramāṇasamāse hrasīyasaḥ karaṇyā varṣīyaso'pacchindyāttasyākṣṇayā rajjurubhe samasyatīti samāsaḥ |*