Rasacandrika p131

p131

avimṛṣṭaṃ yatkāryaṃ puruṣo'jñānātsamācarati | aviniścitakāritvātsa tu khalu capalo budhairjñeyaḥ || yathākāmastu bāṇāvasaraṃ pratīkṣya pataṅgavadvahnimukhaṃ vivikṣuḥ | umāsamakṣaṃ harabaddhalakṣyaḥ śarāsanajyāṃ muhurāmamarśa || manaḥprasādo harṣaḥ syādiṣṭaprāptistavādibhiḥ | yathāsmṛtibhinnamohatamaso diṣṭyā pramukhe sthitāsi sumukhi ! tvam uparāgānte śaśinaḥ samudgatā rohiṇīyogaḥ || āvego rājavidrāvaruṣādeḥ sambhramo mataḥ | tatra vismaraṇaṃ stambhaḥ svedaḥ kampaḥ skhaladgatiḥ || taduktamityeṣo'ṣṭavidho jñeya āvegaḥ saṃbhramātmakaḥ | sthairyaiṇottamamadhyānāṃ nīcānāṃ copasarṇāt || aṣṭavidhaḥ utpātavātavarṣāgnikuñjarodbhramaṇapriyaśravaṇāpriyaśravaṇavyasanabhedāt | evaṃ ca siṃhābhiyogāderapyupalakṣaṇam | yathāasthānagāmibhiralaṅkaraṇairupaitā bhūpaḥ padaskhalitaninhutiraprasannā vāṇīva kāpi kukavermadhupānamattā gehānnipātabahuleva vinirjagāma || apratipattirjaḍatā syādiṣṭāniṣṭadarśanaśrutibhiḥ | animiṣanayananirīkṣaṇatūṣṇīmbhāvādayastatra || mohe cākṣuṣāderanutpattireva | iha tu tadutpattāvapi prakāraviśeṣāvagāhanaṃ bāhulyābhāvaśceti viśeṣaḥ | yathā(1)pecchai laddhalakkhaṃ dīhaṃ ṇīsasai suṇṇaaṃ hasai