Rasacandrika p132

p132

jaha jaṃpaia phuḍatthaṃ taha se hiaaṭṭhiaṃ kiṃpi || garvo'bhijanalāvaṇyadhanaiśvaryādibhirmataḥ | savilāsāṅgavīkṣāvinayāvajñādikṛttu saḥ || yathā— dhṛtāyudho yāvadahaṃ tāvadanyaiḥ kimāyudhaiḥ | yadvā na siddhamastreṇa mama tatkena setsyate || prārabdhakāryāsiddhyāderviṣādaḥ sattvasaṅkṣayaḥ | niḥśvāsocchvāsahṛttāpasahāyānveṣaṇādayaḥ || taduktam— kāryānistaraṇakṛtaścauryābhigrahaṇaṃ rājadoṣādyaiḥ | daivādiṣṭo yo'rthastadasamprāptau viṣādaḥ syāt || yathā— mama prāṇādhike tasminlaṅkānāmīśvare hate | ucchvasannapi lajje'hamāśvāse tāta ! kā kathā || kālākṣamatvamautsukyaṃ ramyecchāratisambhramaiḥ | tatrocchvāsatvarāśvāsahṛttāpasvedavibhramāḥ || yathā— śvastasyāḥ priyamāptumuddhuradhiyo dhīrāḥ sṛjantyā rayānnagnonnamrakapolapālipulakairvaitastinīraśruṇaḥ | catvāraḥ praharāḥ smarārttibhirabhūtasānyā kṣapā duḥkṣapā tattasyāḥ kṛpayākhilaiva vidhinā rātrikhiyāmā kṛtā || manaḥsammolanaṃ nidrā cintālasyaśramādibhiḥ | tatra jṛmbhāṅgamaṅgākṣimīla nocchvasanādayaḥ || taduktam— ālasyādaurbalyātklamācchramāccintanātsvabhāvācca | rātrau jāgaraṇādapi nidrā puruṣasya sambhavati || tāṃ mukhagauravagātrapravilolananayanimīlanajaḍatvaiḥ | jṛmbhaṇagātravimarddairanubhāvairabhinayetprājñaḥ