Rasacandrika p60

p60

sthāṇurmugdhe ! na vadati tarurjīviteśaḥ śivā yā gacchāṭavyāmiti hatavacāḥ pātu vaḥ śūlapāṇiḥ || saṅkramādikuśalā dūtī | tathā ca bharatenoktamprātiveśyā sakhī dāsī kumārī kāruśilpinī | dhātrī pākhaṇḍikā caiva dūtyaḥ strīkṣaṇikā tathā || kārupadaṃ rajakyādiparam | śilpinī citrakārastrī | tathātayā protsāhanaṃ kāryyamanurāgātukīrtanam | kulabhogadhanādhikyaṃ kāryaṃ caivāvikatthanam || ityādi | saṅgamanaṃ yathāpuraścakṣūrāgastadanu manaso'nanyaparatā tanuglāniryasya tvayi samabhavadyatra ca tava | yuvā so'yaṃ preyāniha suvadane ! muñca jaḍatāṃ vidhāturvaidagdhyaṃ phalatu ca sakāmo'stu madanaḥ || virahanivedanaṃ yathāāliṅganāni vacanāmṛtaseca nāni vāmāśayena vidhineva nivāritāni | ālokane'pi yadi gokulanātha ! bādhā rādhā kathaṃ hṛdayasauṣṭhavamādadhātu || kulabhogādyādhikyakathanaṃ yathāmandākinīnandanayorvihāre deve vare devari mādhave ca | śreyaḥ śriyāṃ yātari yacca satyāṃ taccetasā bhāmini ! bhāvayasva || iti nāyikānirūpaṇaṃ samāptam