Rasacandrika p61

p61

nāyikāniṣṭharatau viṣayatvānnāya kaniṣṭharatāvāśrayatvācca nāyako'pi nirūpyate | sa trividhaḥ| patyu-papati-vaiśikabhedāt | vivāhajanyasaṃskāravān patiḥ| na ca svīyāyāmativyāptiḥ, puṃstve satītyabhidheyatvāt | yathā - iyaṃ vanī ghanībhūtakuśāṅkurakarambitā | śithilaṃ dhehi vaidehi ! madārpitapade padam || tadbhinnatve satyanurāgaviṣaya upapatiḥ | yathāprāṅgaṇakoṇe'pi niśāpatiḥ santāpaṃ sudhāmayo harati | yadi māṃ rajanijvara iva sakhi ! sa na niruṇaddhi gehapatiḥ || veśyopabhogarasiko vaiśikaḥ| yathā(1) ṇandeu suraasatihāparāhāri saalaloassa | vahukaiavamaggaviṇimmiāīṃ vessāṇa pemmāīṃ || yattu-dhīrodātto dhīroddhatastathā dhīralalitaśca | dhīrapraśānta ityayamuktaḥ prathamaṃ caturbhedaḥ || ityanyatroktam, tadiha prakṛtānupayogātropanyastam | patiścaturddhā-anukūla-dakṣiṇa-dhṛṣṭa-śaṭhabhedāt tanmātraviṣayakānurāgavānanukūlaḥ | yathā-iyaṃ gehe lakṣmīriyamamṛtavarttirnayanayorahasyasyāḥ sparśo vapuṣi bahalaścandanarasaḥ