Rasacandrika p72
Rasacandrikā p72
- Language
- Sanskrit
p72
atra bhaṭṭalollaṭādayaḥ | sthāyināṃ ratyādīnāṃ vibhāvena saha janyajanakabhāva uddīpyoddīpakabhāvaśca, anubhāvena jñāpyajñāpakabhāvaḥ vyabhicāribhiḥ poṣyapoṣakabhāvaḥ sambandhaḥ | niṣpattistu krameṇotpattirabhivyaktiḥ puṣṭiścetyarthaḥ | tathāhi—lalanādibhirālambanairjanita uddīpanavibhāvaiścandrādibhiruddīpitāḥ kaṭākṣādibhiranubhāvaiḥ pratītiyogyaḥ kṛtaḥ nirvedādibhirvyabhicāribhiḥ poṣito rāmādāvanukā rye sthito ratyādirūpo rasaḥ | sa tulyarūpatvānnaṭe āropyamāṇaḥ sāmājikānaṃ camatkāraheturityāhuḥ