Rasasudhakara 1.100

Rasasudhākara 1.100

Language: Sanskrit

1.100

tatra dhīrā—
dhīrā tu vakti vakroktyā sotprāsaṃ sāgasaṃ priyam
yathā mamaiva-ko doṣo maṇimālikā yadi bhavet kaṇṭhe na kiṃ śaṅkaro
dhatte bhūṣaṇamardhacandramamalaṃ candre na kiṃ kālimā
tat sādhveva kṛtaṃ kṛtaṃ bhaṇitibhirnaivāparāddhaṃ tvayā
bhāgyaṃ draṣṭumanīśayaiva bhavataḥ kāntāparāddhaṃ mayā
adhīrā paruṣairvākyaiḥ khedayed vallabhaṃ ruṣā
niśśaṅkamāgatamavekṣya kṛtāparādhaṃ
kācinnitāntaparuṣaṃ vinivṛttavaktrā
kiṃ prārthanābhiradhikaṃ sukhamedhi yāhi
yāhīti khinnamakarodasakṛd bruvāṇā
dhīrādhīrā tu vakroktyā savāṣpaṃ vadati priyam

Previous: 1.99
Next: 1.101
Up: 1

Linked texts (2)

Rasārṇavasudhākara — Siṃhabhūpāla, Sanskrit
Ujjvalanīlamaṇi — Rūpa Gosvāmin 1540, Sanskrit