Rasasudhakara 1.99

1.99

madhyā kāmayate kāntaṃ mohāntasuratakṣamā
kānte paśyati sānurāgamabalā sācīkarotyānanaṃ
tasmin kāmakalākalāpakuśale vyāvṛtavaktre kila
paśyantī muhurantaraṅgamadanaṃ ḍolāyamānekṣaṇā
lajjāmanmathamadhyagāpi nitarāṃ tasyābhavat prītaye
prodyattāruṇyaśālitvaṃ yathā mamaiva—
netrāñcalena lalitā valitā ca dṛṣṭiḥ
sakhyaṃ karoti jaghanaṃ pulinena sākam
cakradvayena sadṛśau kucakuḍmalau ca
nityā vibhāti nitarāṃ madanasya lakṣmīḥ
mohāntasuratakṣamatvaṃ yathā mamaiva—
ākīrṇagharmajalamākulakeśapāśamārmīlitākṣiyugamādṛtapāravaśyam
ānandakandalitamastamitaanyabhāvamāśāsmahe kimapi ceṣṭitamāyatākṣyāḥ
madhyā tridhā mānavṛtterdhīrādhīrobhayātmikā