Rasasudhakara 1.81

1.81

anukūlaḥ śaṭho dhṛṣṭo dakṣiṇaśceti bhedataḥ
anukūlastvekajāniḥ
tatra dhīrodāttānukūlo yathāsītāṃ hitvā daśamukharipurnopayeme yadanyāṃ
tasyā eva pratikṛtisakho yat kratūnājahāra
vṛttāntena śravaṇaviṣayavyāpinā tena bhartuḥ
sā durvāraṃ kathamapi parityāgaduḥkhaṃ viṣehe
dhīralalitānukūlo yathāsa kadācidavekṣitaprajaḥ saha devyā vijahāra suprajāḥ
nagaropavane śacīsakho marutāṃ pālayiteva nandane
dhīraśāntānukūlo yathāpriyamādhave ! kimasi mayyavatsalā
nanu so'hameva yamanandayat purā
ayamāgṛhītakasanīyakaṅkaṇastava mūrtimāniva mahotsavaḥ karaḥ
dhīroddhatānukūlo yathākiṃ kaṇṭhe śithilīkṛtā bhujalatā svāpapramādānmayā
nidrācchedavivartaneṣvabhimukhaṃ nādyāsi sambhāvitā
anyastrījanasaṅgathālaghurahaṃ svapne'pi no lakṣito
doṣaṃ paśyasi kaṃ priye ! paricayopālambhayogye mayi
atha śaṭhaḥśaṭho gūḍhāparādhakṛt