Rasasudhakara 1.98

1.98

apriyaṃ vā priyaṃ vāpi na kiñcidapi bhāṣate
vayasā mugdhā yathā mamaiva —
ullolitaṃ himakare nibiḍāndhakāramuttejitaṃ viṣamasāyakabāṇayugmam
unmajjitaṃ kanakakorakayugmamasyāmullāsitā ca gagane tanuvīcirekhā
navakāmā yathā mamaiva —
bālā prasādanavidhau nidadhāti cittaṃ
dattādarā pariṇaye maṇiputrikāṇām
ālajjate nijasakhījanamandahāsairālakṣyate tadiha bhāvanavāvatāraḥ
ratau vāmatvaṃ yathā mamaiva —
ālokya hāramaṇivimbitamātmanāthamāliṅgatīti sahasā parivartamānā
ālambitā karatale parivepamānā
sā sambhramāt sahacarīmavalambate sma
vyāvṛttikramaṇodyame'pi padayoḥ pratyudgatau vartanaṃ
bhrūbhedo'pi tadīkṣaṇavyasaninā vyasmāri me cakṣuṣā
cāṭūktāni karoti dagdhasanā rūkṣākṣare'pyudyatā
sakhyaḥ ! kiṃ karavāṇi mānasamaye saṅghātabhedo mama
autsukyena kṛtatvarā sahabhuvā vyāvartamānā hriyā
taistairbandhuvadhūjanasya vacanairnītābhimukhyaṃ punaḥ
dṛṣṭvāgre varamāttasādhvasarasā gaurī nave saṅgame
saṃrohatpulakā hareṇa hasatāśliṣṭā śivāyāstu vaḥ
kānte kṛtāgasi puraḥ parivartamāne
sakhyaṃ sarojaśaśinoḥ sahasā babhūva
ropākṣaraṃ sudṛśi vaktumapārayantyāmindīvaradvayamavāpa tuṣāradhārām
samānalajjāmadanā prodyattāruṇyaśālinī