Rasasudhakara 2.186

2.186

yathā —
mahārhaśayyāparivartanacyutaiḥ
svakeśapuṣpairapi yā sma dūyate
aśeta sā bāhulatopadhāyinī
niṣeduṣī sthaṇḍila eva kevale
atha madhyama saukumāryaṃ —
na saheta karasparśaṃ yenāṅgaṃ madhyamaṃ hi tat
yathā—
lākṣāṃ vidhātumavalambitamātrameva
sakhyāḥ kareṇa taruṇāmbujakomalena
kasyāścidagrapadamāśu babhūva raktaṃ
lākṣārasaḥ punarabhūnna tu bhūṣaṇāya
athādhamasaukumāryaṃ—
yenāṅgamātapādīnāmasahaṃ tadihādhamam