Rasasudhakara 2.223

2.223

‘bhikṣāṃ pradehi lalitotpalapatranetre !
puṣpiṇyahaṃ khalu surāsuravandanīya !
bāle ! tathā yadi phalaṃ tvayi vidyate me
vākyairala phalabhugīśa ! paro'sti yāhi ||'
vyarthālāpaḥ pralāpaḥ syāt
‘mukhaṃ tu candrapratimaṃ timaṃ timaṃ
stanau ca pīnau kaṭhinau ṭhinau ṭhinau
kaṭirviśālā rabhasā bhasā bhasā
aho vicitraṃ taruṇī ruṇī ruṇī ||'
athānulāpaḥ—
anulāpo muhurvacaḥ
yathā—
'tamastamo nahi nahi mecakāḥ kacāḥ
śaśī śaśī nahi nahi dṛksukhaṃ mukham
late late nahi nahi sundarau karau
nabho nabho nahi nahi cāru madhyamam ||'
athāpalāpaḥ—
apalāpastu pūrvoktasyānyathāyojanaṃ bhavet