Rasasudhakara 2.222

Rasasudhākara 2.222

Language: Sanskrit

2.222

tatrālāpaḥ—
cāṭuprāyoktirālāpaḥ
yathā mamaiva-‘kaste vākyāmṛtaṃ tyaktvā śṛṇotyanyagiraṃ budhaḥ
sahakāraphalaṃ tyaktvā nimbaṃ cumbati kiṃ śukaḥ ||’
yathā vā-‘dhatse dhāturmadhupa ! kamale saukhyamardhāsikāyāṃ
mugdhākṣīṇāṃ vahasi mṛdunā kuntalenopamānam
cāpe kiñca vrajasi guṇatāṃ śambarāreḥ kimanyaiḥ
pūjāpuṣpaṃ bhavati bhavato bhuktaśeṣaḥ surāṇām ||’
vilāpo duḥkhajaṃ vacaḥ
‘oryāmaraṇye vijane vimoktuṃ śrotuṃ ca tasyāḥ paridevittāni
sukhena laṅkāsamare mṛtaṃ māmajīvayanmārutirāttavairaḥ ||’
uktipratyuktimad vākyaṃ saṅgām̐pa iti kīrtitam

Previous: 2.221
Next: 2.223
Up: 2

Linked texts (1)

Rasārṇavasudhākara — Siṃhabhūpāla, Sanskrit