Rasasudhakara 4.106

4.106

yathā —
‘ko vā jeṣyati somavaṃśatilakānasmān raṇaprāṅgaṇe
garvaḥ
hantāsmāsu parāṅmukho hatavidhiḥ
viṣādāsūrye
kiṃ durgamadhyāsmahe
cintā
asmatpūrvanṛpānasau nihatavān
smṛtyamarṣau
dīrghān dhigasmadbhujān
nirvedaḥ
kiṃ vākyairanapotaśiṅganṛpateḥ saivaiva kṛtyaṃ param ||'
matiḥ
atra garvaviṣādāsūyācintāsmṛtyamarṣanirvedamatīnāṃ saṃmardo bhāvaśābalyamityucyate
atha sthāyinaḥ -
sajātīyavijātīyairbhāvairyai rvatiraskṛtāḥ
kṣīrābdhivannayantyanyān svātmatvaṃ sthāyino hi te
bharatena ca te kathitā ratihāsātsāhavismayakrodhāḥ
śoko'tha jugupsā bhayamityaṣṭau lakṣma vakṣyate teṣām
tatra ratiḥ -
yūnoranyonyaviṣayā sthāyinīcchā ratirbhavet
nisargeṇābhiyogena saṃsargeṇābhimānataḥ