Rasasudhakara 4.11

4.11

rodanaśvasitadhyānamukhaśoṣādayo'pi ca
prārabdhakāryānirvāhād yathā -'vāraṃ vāraṃ tirayati dṛśāvudgato bāṣpapūrastatsaṅkalpopahitajaḍima stambhamabhyeti gātram
sadyaḥ svidyannayamaviratotkampalolāṅgulīkaḥ
pāṇirlekhāvidhiṣu nitarāṃ vartate kiṃ karomi ||'
atra prastutacitralekhānirvāhānmādhavasyai kiṃ karomīti
vāgārambhasūcitayā taddarśanopāyacintayā viṣādo vyajyate
iṣṭānāpteryathā -'sañcāriṇī dīpaśikheva rātrau yaṃ yaṃ vyatīyāya patiṃvarā sā
narendramārgāṭṭa iva prapede vivarṇabhāvaṃ sa sa bhūmipālaḥ||'
atrendumatīmākāṅkṣatāṃ bhūmipatīnāṃ tadanavāptyā
mukhavaivarṇyena viṣādaḥ
vipattito yathā —
‘hā hā dhik paragṛhavāsagarhaṇaṃ yad
vaidehyāḥ praśamitamadbhutairupāyaiḥ
etat tat punarapi daivadurvipākāddālarkaṃ viṣamiva sarvataḥ praviṣṭam ||’
atra sītāpravādarūpāyā vipatteḥ ho hā dhigiti
vāgārambheṇa rāmasya viṣādo gamyate
‘sā durnimittopagatād viṣādāt
sadyaḥ parimlānamukhāravindā
rājñaḥ śubhaṃ sāvarajasya bhūyādityāśaśaṃse karaṇairbāhyaiḥ ||’
atra durnimittānumitāyā vipattermukhaśoṣaṇalakṣaṇenānubhāvena vaidehyā viṣādaḥ
aparādhaparijñānād yathā —
‘hā tāteti kranditamākarṇya viṣaṇṇastasyānaviṣyan vetasagūḍhaṃ prabhavaṃ saḥ
śalyaprotaṃ prekṣya sakumbhaṃ muniputraṃ
tāpādantaśśalya ivāsīt kṣitipo'pi ||’
atha dainyaṃ —
hṛttāpadurgaṃtitvādyairnaiścityaṃ hṛdi dīnatā