Rasasudhakara 4.143

4.143

tatra ceṣṭā guṇākhyānainigūḍharuditādayaḥ
paragatavibhāvairyathā -
‘devo rakṣatu vaḥ kliśānanaparivyākīrṇacūḍābharāṃ
bharturbhasmani petuṣīṃ karatalavyāsṛṣṭapārśvakṣitim
hā prāṇeśvara ! hā smareti rudatīṃ bāṣpākulākṣīṃ ratiṃ
dṛṣṭvā yasya lalāṭalocanamapi vyāptāśru nirvāpitam ||’
atra ratigataśocyadaśāvalokanena devasya śoko
bāṣpodgamena vyajyate
ātmagatairyathā—
‘ayi karṇa ! karṇasubhagāṃ prayaccha me
giramuddhamanviva mayi sthirāṃ mudam
anujairvimuktamakṛtāpriyaṃ priyaṃ
vṛṣasenavatsala ! vihāya yāsi mām ||’
syādeṣa mṛtiparyantaḥ svaparasthaistu madhyame