Rasasudhakara 4.144

4.144

anativyaktaruditapramukhāstatra vikriyāḥ
svagatairmadhyamasya yathā karuṇākandale—
‘nyāyopādhirayaṃ yadaśrukaṇikāṃ muñcanti bandhuvyaye
rāgopādhirayaṃ tyajanti viṣayān yajjñātayo dustyajān
prāṇānāṃ punarutkramaḥ kimupādhistat kena vijñāyate
devaṃ cānakadundubhiṃ daśarathaṃ cekṣvākuvaṃśyaṃ vinā ||’
atra vasudevasya bandhuvipattijaḥ śokaḥ prāṇotkramaṇena vyajyate
paragatairyathā—
‘nirbhidyanta ivāṅgakānyasuhṛdairākrandasaṃstambhanaiḥ
kaṇṭhe garvaniruddhavāṣpavirgame vācāṃ gatirgadgadā
dhāvatyantarasaṃstutānapi janān kaṇṭhe grahītuṃ manaḥ
kāṣṭā tasya mamedaśī yadukule kulyaḥ kathaṃ jīvati ||’
atra yadukuladhvaṃsanena nāradasya śokaḥ
hetubhiḥ svagataireva prāyaḥ strīnīcayorayam