Rasasudhakara 4.68

4.68

kaithābhaṅgādayo'pyasyāmanubhāvā bhavantyamī
'liṅgairrudaḥ saṃvṛtavikriyāste hradāḥ prasannā iva gūḍhanakrāḥ
vaidarbhamāmantrya yayustadīyāṃ pratyarpya pūjāmupadācchalena ||'
'anirbhinno gabhīratvādantargūḍhaghanavyathaḥ
puṭapākapratīkāśo rāmasya karuṇo rasaḥ ||'
'bahiḥ sarvākārapravaṇaramaṇīyaṃ vyavaharan
parābhyūhasthānānyapi tanutarāṇi sthagayati
janaṃ vidvānekaḥ sakalamabhisandhāya kapaṭaistaṭasthaḥ svānarthān ghaṭayati ca maunaṃ ca bhajate ||'
lajjayā yathā —
‘cikṣepa lakṣmīniṭilāgranakhāgraiḥ prasvedavāryātapamākṣipantī
jugopa devo'pi sa romavarṣaṃ jaḍābdhivātāhatakautavena ||'
sādhvasena yathā —
‘śrutvā dussehamadbhutaṃ ca mithilāvṛttāntamantaḥpataccintānihnavasāvahityavadanastaddigvitīrṇasmitaḥ
helākṛṣṭasurāvarodharamaṇīsīmantasantānakasragvāsojjvalapāṇirapyavati māṃ vatso na laṅkeśvaraḥ ||'
dākṣiṇyād yathā —
‘tvayyardhāsanabhāji kinnaragaṇodgītairbhavadvikramairantassambhṛtamatsaro'pi bhagavānākāraguptau kṛtī
unmīladbhavadīyadakṣiṇabhujāromāñcaviddhoccaladbāṣpaireva vilocanairabhinayatyānandamākhaṇḍalaḥ ||'
prāgalbhyena yathā —
'ekatrāsanasaṃsthitiḥ parihṛtā pratyudgamād dūratastāmbūlānayanacchalena rabhasāśleṣo'pi saṃvighnitaḥ
ālāpo'pi na miśritaḥ parijanaṃ vyāpārayantyāntike
kāntaṃ pratyupacārataścaturayā kopaḥ kṛtārthīkṛtaḥ ||'
atha smṛtiḥ—
svāsthyacintādṛḍhābhyāsasadṛśālokanādibhiḥ