Rasasudhakara 5.118

5.118

yathā uttararāmacarite -
'tvaṃ jīvitaṃ tvamasi me hṛdayaṃ dvitīyaṃ
tvaṃ kaumudī nayanayoramṛtaṃ tvamaṅge
ityādibhiḥ priyaśatairanurudhya mugdhāṃ
tāmeva śāntamathavā kimataḥ pareṇa
ityatrāmṛtakaumudīprabhṛtināmabhiḥ sītāśaṃsanaṃ guṇakīrtanam
atha garhaṇaṃ -
yatra saṅkīrtayan doṣān guṇamarthena darśayet
guṇān vā kīrtayan doṣān darśayed garhaṇaṃ tu tat
yathā mālatīmādhave - 'lavaṅgikā - bhaavadi! kisaṇacauddasīraaṇimasāṇasaṃcāra ṇivvaṭṭidvisamavavasāaṇiṭṭhāvidapacaṇḍapākhaṇḍadodaṇḍasāhaso sāhasio khu eso | ado piasahī ukkaṃpidā | makarandaḥ - sādhu lavaṅgike ! sādhu | sthāne
khalvanurāgopakārayorgarīyasorupanyāsaḥ' ityatra māṃsavikrayasya
sāhasasya doṣarūpeṇa kathane'pi mādhavānurāgotpādanaṃ guṇatayā
paryavasitam | idaṃ guṇagarhaṇatvād garhaṇam | guṇasaṅkīrtane doṣaparyavasāne yathā mālatīmādhave - 'madayantikā - dummaṇāadi kahaṃ iaṃ vāmasīḷā | lavaḍgikā — kahaṃ ṇāma ṇavavahūvissambhaṇovāajāṇuaṃ adiḷaḍahaṃ viaṅgamahurabhāsaṇaṃ arosaṇaṃ akādaraṃ de bhādaraṃ bhattāraṃ samāsādia ṇa dummaṇāissadi me piasahī | madayantikā — pekkha buddharakkhide !
vippadīvo uvāḷambho’ ityatra pramukhato guṇakīrtanamapi tato
doṣāyeti garhaṇamidam
अथानुsingle: —
abhyarthanāparaṃ vākyaṃ vijñeyo'nunayo budhaiḥ
yathā veṇīsaṃhāre — ‘dhṛtarāṣṭraḥ — sañjaya! madvacanād
brūhi bhāradvājasūnuṃ,
smarati na bhavān pītaṃ stanyaṃ cirāya sahāmunā
mama tu mṛditaṃ bālye kṣaumaṃ tvadaṅgavivartanaiḥ
anujanidhanasphītācchokādatipraṇayāt bhayād
vacanavikṛtistasya krodho mudhā kriyate tvayā ||’
ityatrāśvatthāmaprārthanamanunayaḥ
atha bhraṃśaḥ —
patanaṃ prakṛtādarthādanyasmin bhraṃśa īritaḥ