Rasasudhakara 5.273

5.273

yathā prahasane —
'yatiḥ — sākṣādbhūtaṃ vadati kucayorantaraṃ dvaitavādaṃ
bauddhaḥ — bhāvo bodhakṣaṇikamahimā saugate dattapādaḥ
jainaḥ — bāhormūle nayati śucitāmārhatī kācidīkṣā
sarve — nābhermūlaṃ prathayati phalaṃ sarvasiddhāntasāram ||'
atra yatibauddhajainānāṃ gaṇikāyāṃ svasiddhāntadharmasambandhakathanena svasvapakṣaparigrahayogyatvayojanādavaskandaḥ
atha vyavahāraḥ —
vyavahāraḥ svasaṃvādo dvitrāṇāṃ hāsyakāraṇam
yathā prahasane — 'bauddhaḥ — (yatiṃ vilokya) kuto muṇḍaḥ
ekadaṇḍī | mithyātīrthaḥ — (vilokya dṛṣṭimapakarṣan ātmagatam )
kṣaṇikavādī na saṃbhāṣaṇauya eva | tathāpi daṇḍamantardhāya
niruttaraṃ karomi | (prakāśam) aye śūnyavādin ! vaidaṇḍo
muṇḍo'hremāgalādasmi | jainaḥ — (ātmagatam ) nūnamasau māyāvādī | bhavatu, ahamapi kimapyantardhāya prastutaṃ pṛcchāmi | (prakāśam) aye mahāpariṇāmavādin ! bṛhadvīja ! lomnāṃ samānajātīyatve'pi keṣāñcit saṅkartanam anyeṣāṃ saṃrakṣaṇamiti vyavasthiteḥ kiṃ kāraṇam | mithyātīrthaḥ - jīvadamedhyamaṅgaṃ dhārako narapiśāco'yam antardhāyāpi na saṃbhāṣaṇīyaḥ | niṣkacchakīrtiḥ - (sādaram) sakhe ! ārhatamune !
vāde tvayāyamapratipattiṃ nāma nigrahasthānamāropito māyāvādī | mithyātīrthaḥ - (ātmagatam) nūnamimāvapi mādṛśāveva liṅgadhāraṇamātreṇa kukṣimbharau syātām | (iti pippalamūlavedikāyāṃ niṣīdati |)' ityatra yatibauddhajainānāṃ saṃvādo vyavahāraḥ
atha vipralambhaḥ -
vipralambho vañcanā syād bhūtāveśādikaitavāt