Rasasudhakara 5.35

5.35

yathā tatraiva paraśurāmarāvaṇīpanāmani dvitīyāṅke—
‘(tataḥ praviśati bhṛṅgiriṭiḥ | sa parikāmannātmānaṃ virṇya) aye virūpatāpi kaccinmahate'bhyudayāya' ityupakramya 'bhṛṅgiriṭiḥ—
nārada ! yathā samarthayase| tathāhi—
ekaḥ kailāsamadriṃ karagatamakaroccicchide krauñcamanyo
laṅkāmekaḥ kuberādahṛta vasattaye kroṅgaṇānabdhito'nyaḥ
ekaḥ śakrasya jetā samiti bhagavataḥ kārttikeyasya cānyastat kāmaṃ karmasāmyāt kimaparamanayormadhyagā vīralakṣmīḥ||'
ityantena rāghavapratināyakayorbhārgavarāvaṇayoḥ karmasāmyakathanād yuktiḥ
atha prāptiḥ—
prājñaiḥ sukhasya saṃprāptiḥ prāptirityabhidhīyate
yathā tatraiva—'nāradaḥ—(yuddhāvalokanaharṣa(?) hastamudyamya)
citraṃ netrarasāyanaṃ tridaśatāsiddhermahāmaṅgalaṃ
mokṣadvāramapāvṛtaṃ mama manaḥprahlādanābheṣajam
sākaṃ nākapurandhribhirnavapadagrāhyutsukābhiḥ surāḥ !
sarve paśyata rāmarāvaṇaraṇaṃ vatsyeṣa vo nāradaḥ||'
ityatra nāradasya yuddhavalokanaharṣaprāpteḥ prāptiḥ
atha samādhānaṃ—
bījasya punarādhānaṃ samādhānamihocyate