Rasasudhakara 5.86

5.86

yathā veṇīsaṃhāre—'vāsudevaḥ — ahaṃ punaścārvākeṇa
vyākulībhūtaṃ bhavantamupalabhyārjunena tvaritamāgataḥ | yudhiṣṭhiraḥkiṃ nāma cārvākeṇa vayamevaṃ vipralabdhāḥ | bhīmaḥ — bhagavan !
kvāsau dhārtarāṣṭrasakhaścārvāko nāma rākṣasaḥ| yenāryasya mahānayaṃ
cittavibhramaḥ | vāsudevaḥ—nigṛhīto durātmā kumāranakulena
yudhiṣṭhiraḥ — priyaṃ naḥ priyam' ityatra cārvākanigraho vadhaḥ
atha gotraskhalitaṃ —
tad gotraskhalitaṃ yattu nāmavyatyayabhāṣaṇam
yathā vikramorvaśīye - 'prathamaḥ - aye kiṃ sadoṣāvakāśa iva te vākyaśeṣaḥ | dvitīyaḥ - āma tāe uvvasīe vaaṇaṃ khaliaṃ āsi | prathamaḥ - kimiti | dvitīyaḥ - ḷacchībhūmiāe vaṭṭamāṇā uvvasī vāruṇībhūmiāe
meṇaāe pucchidā | sahi ! samāadā teḷḷokkamaḷaḷo sakesavā
ḷoavāḷā | kadarassiṃ de bhāvāhiniveso tti | tadā tāe purusottame tti bhaṇidavve pururava tti ṇiggadā vāṇī |' ityatra
nāmavyatikramaḥ sphuṭa eva
athaujaḥ -
ojastu vāgupanyāso nijaśaktiprakāśakaḥ