Rasasudhakara 5.87

5.87

yathā uttararāme - 'kuśaḥ - sakhe ! dāṇḍāyana !
āyuṣmataḥ kila lavasya narendrasainyairāyoghanaṃ nanu kimāttha sakhe ! tatheti
adyāstametu bhuvaneṣu sa rājaśabdaḥ
kṣatrasya śastraśikhinaḥ śamamadya yāntu ||'
ityatra ojaḥ spaṣṭameva
atha dhīḥ -
iṣṭārthasiddhiparyantā cintā dhīriti kathyate
yathā mālavikāyāṃ caturthe'ṅke — 'rājā — (niḥśvasya
saparāmarśam) sakhe! kimatra kartavyam| vidūṣakaḥ — atthi ettha
uvāo| rājā — ka iva | vidūṣakaḥ — (sadṛṣṭikṣepam) ko vi
adiṭṭho suṇissadi| tā kaṇṇe kahoma| (tathā karoti |) rājā —
suṣṭhu prayujyatāṃ siddhaye' ityatra vidūṣakeṇa dhāriṇīhastamaṇimudrikākarṣaṇahetubhūtasya bhujagaviṣavegakapaṭasya cintanaṃ dhīḥ
atha krodhaḥ —
krodhastu cetaso dīptiraparādhādidarśanāt