Rasatarangini 1.30

1.30

nanu vipralambhasya pūrvānurāgamānapravāsakaraṇātmakatvājjīvatorapi vipralambhasya karuṇarasatvamāyātamiti cet| satyam,
tatra karuṇarasasyāṅgattvena bhāsamānatvāttatra karuṇātmakavyapadeśaḥ || yathā-virahajvaramūrcchayā patantīṃ nayanenāśrujalena sicyamānām
samavekṣya ratiṃ viniḥśvasantīṃ karuṇā kuṅkalitā babhūva śambhoḥ 9
kuṅkalitetyapūrṇatā
avajñādikṛtaḥ pramodapratikūlaḥ parimito manovikāraḥ
krodhaḥ || pramodapratikūletiviśeṣaṇāddaśamukhadurvacanāvamānitasya rāmasya vīrarase nātivyāptiḥ
yathā paraśurāmavākyamnādyārabhya karomi kārmukalatāvinyastahastāmbujaḥ
kiñcitpāṭalabhāsi locanayuge tāvannimeṣodayān
yāvatsāyakakoṭipāṭitaripukṣmāpālamaulikhalanmallīmālyapatatparāgapaṭalairnāmodinī medinī