Rasatarangini 1.8

1.8

iṣṭaviśleṣajanito ratyanāliṃgitaḥ parimito manovikāraḥśokaḥ || na ceṣṭaviśleṣajanitavipralambhaśṛṅgārasya karuṇarasatvāpattiḥ || tasya ratyāliṅgitatvāt
na ca ratiḥprītiḥ tayā vinā śokopi notpadyate iti tathā
cāsambhava iti vācyam, iṣṭasamīhājanitamanovikṛtereva
rateruktatvāt| kumārasambhave ratyāḥ, kādambayyāṃ mahāśvetāyāḥ,
raghukāvye'jasya,-pralāpe karuṇa eva rasaḥ
tatratatra bādhaniścayādiṣṭavastusamīhāyā abhāvāt | yatra ca
mṛte jīvitāśā tatra śṛṅgāra eva rasaḥ, bādhasaṃdehasya grāhyasaṃdehaparyavasitatayā samīhāyā apratibaṃdhakatvāt
tathā ca yūnorekatarasmin mṛte pralāpaḥ karuṇarasaḥ, jīvatorviśliṣṭayoḥ pralāpaḥ śṛṃgāraḥ | ata eva rasaratnadīpikāyāṃ karuṇarasodāharaṇamayi jīvitanātha jīvasītyabhidhāyotthitayā tayā puraḥ
dadṛśe puruṣākṛtiḥ kṣitau harakopānalabhasma kevalam