Alankarashekhara 6.12

6.12

tatra—yatropamānaviruddho'rthastadviruddham
yathā—
'divā na paribhūyate na ca manāgapi kṣīyate
na vā caramavāridheḥ payasi luptimāvindati
na ca tridaśasubhruvāṃ vadanakāntibhirgīyate
yaśastuhinadīdhitirjayati ko'pi bhūmipateḥ ||'
samastaṃ yathā—
'tasyā bāhulatā pāṇipadmaṃ caraṇapallavam
mukhendurakṣibhramarau sarvasvaṃ puṣpadhanvanaḥ ||'
vyastaṃ yathā—
'bhujau mṛṇāle vadanaṃ sudhāṃśuḥ kundvāni dantāścaraṇau saroje
smitaṃ prasūnāni karau pravāle payodharau bhūmidharau mṛgākṣyāḥ ||'
rūpakarūpakaṃ yathā—
'mukhapaṅkajaraṅge'sminbhrūlatānartakī tavaṃ
narīnarti lasatsvarṇaketakīdalalocane ||'
śliṣṭarūpakaṃ yathā—
'rājahaṃsopabhogārhaṃ amaraprārthyasaurabham
puṣṇāti suṣamā kāṃcinmukhapaṅkeruhaṃ tava ||'
'udayati kanākācalayorupari calatpaṅkajaścandraḥ
tadupari ghanāndhakāraḥ kasya kṛte ghāturīdṛśī sṛṣṭiḥ ||'
antyā yathā—
'tāmarase sālasatā jalamuci kaścidviparyāsaḥ
nisyandatā latāyāṃ kathayati kasyāpi puṇyāni ||'
ityalaṃkāraśekhare rūpakamarīciḥ