Mukuta 3.150

3.150

yadvā harivaṃśe"mamopari yathendrastvaṃ sthāpito gobhirīśvaraḥ | upendra iti
kṛṣṇa tvāṃ gāsyanti divi devatāḥ ||" ityupendraḥ
indrasyāvarajāto'nujatvād 'indrāvarajaḥ ||'
cakraṃ pāṇāvasyeti "praharaṇārthebhyaḥ pare niṣṭhāsaptamyā"
(vā0) viti saptamī-paranipāte 'cakrapāṇiḥ'
catvāro bhujā asyeti 'caturbhujaḥ'
padmaṃ nābhāvasyeti 'padmanābhaḥ |' “acpratyanvavapūrvād"
(pā0 5|4|75) ityatrājiti yogavibhāgādac | yogavibhāgasya
hi pūrvācāryeṣṭamātrasādhakatvaṃ, na tu nābhyantasya sarvatraivāc
samāsānta iti niyamaḥ | tena “prajā ivāṅgādaravindanābhe”
riti māghaḥ (3|65) | “nādhāreṇa vinā sṛṣṭistūrṇanābherapīṣyata” ityādi prayogāḥ | uktaṃ ca-“yogavibhāgādiṣṭasiddhi" riti
madhunāmno'surabhedasya ripu 'madhuripuḥ'
vasudevasyāpatyaṃ 'vāsudevaḥ', vāsuścāsau devaśceti vā