Shabdatarangini p166
Śabdataraṅgiṇī p166
- Language
- Sanskrit
p166
bhāvanāvacanastāvattāṃ smārayati lokavat .
ityādibhaṭṭācāryavārtikadarśanāt padānāṃ padārthasmārakatvamevābhidhāyakatvamiti manyate , tadāpi padānāmanvitārthabodhanaśaktiraṅgīkaraṇīyā .
vākyasya vākyārthapratipattau tātparyamāvaśyakam .
anyathā vākyārthasya śābdatvameva na syāt .
paramparayā śabdāvagatapadārthajanyajñānaviṣayatvena śabdaprayojyatvādyadi śābdatvaṃ vākyārthasyeṣyate ,tadā śabdagrāhakaśrotrasyāpi vākyārthabuddhiprayojakatvādvākyārthasya śrotratvamapi vyavahriyeta .
tathā ca
vākyārthapratipattitātparyavatvasvīkāre padānāṃ sākṣādvākyārthabodhajanakatvaśaktirevocitā .
na paramparāśrayaṇaṃ yujyeta .