Shabdatarangini p239

p239

athavā, bhavatu prathamataḥ itarānvitajñānakāraṇatvagrahaḥ itarānvite śaktigrahaparyavasitaḥ .
tathāpi paścāt anvayasyānyalabhyatvapratisandhānāt prathamagṛhītāyā api anvite śaktestyāgaḥ saṃbhavati .
anvitaśaktivādimate, prathamataḥ gavānayanādikāryaliṅgena kāryānvite śaktau gṛhītāāyāmapi kāryasya liṅgādipadalabhyatayā anyalabhyakāryāṃ śatyāgavat .
na ca kāryasya padāntaraśakyatvavadanvayasya na padāntaraśakyatvaṃ , tattvasvīkāre vā vivādaparyavasānamiti vācyam .
sarvairapi anvayaviśeṣabodhanirvāhāyākākṣāvaśyamapekṣaṇīyā .
svīkṛtañcābhihitānvayavādibhiḥ anvitābhidhānavādibhiścākāṃkṣāyā vākyārthabodhopayogitvam .
tathā ca tattatsaṃsargaviśeṣaviṣayakaśābdabodhaṃ prati tattatpadasamabhivyāhārajñānakāraṇatāyāḥ klṛptātvāt tādṛśākāṃkṣayaiva saṃsargalābhādanyalabhyatvena padāntaraśaktilabhyatvānāvaśyatvāt .
tasmāt prathamagṛhītā anvate śaktiḥ anyalabhyatvalāghavatarkābhyāṃ tyajyate .