Shabdatarangini p243
Śabdataraṅgiṇī p243
- Language
- Sanskrit
p243
na ca prathamamanvitārthajñāne sākṣāt kāraṇatvaṃ gṛhītamiti tadvirodha iti vācyam .
bālaḥ sākṣātparamparāsādharaṇaṃ kāraṇatvaṃ gṛhṇāti .
kāraṇatāgrāhakānvayavyatirekāderubhayasādhāraṇatvāt .
tataḥ bādhakābhāvāni ścayasahakṛtaḥ anvayavyatirekagrahaḥ sākṣātkāraṇatvanirṇāyakaḥ .
ata eva svataḥ prāmāṇyavādināṃ mīmāṃsakānāṃ mate prāmāṇyasyautsargikatve'pi bādhābhāvaniścayasahakṛtasāmānyasāmagryaiva prāmāṇyanirṇayo bhavati .
ataścotpanne jñāne idaṃ pramā naveti sandeha upapadyate .
bādhābhāvānirṇayena prāmāṇyasya pūrvamanirṇītatvāt .
itthañca bālaḥ anyalabhyatvādeḥ bādhakasyābhāvaṃ na niścinoti .
ataśca bādhakābhāvarūpasahakārābhāvāt na sākṣātkāraṇatānirṇayaḥ pūrva jātaḥ, parantu sāmānyataḥ kāraṇatānirṇaya eva jātaḥ .