Pramāṇa · Search · About · API

Shabdatarangini p253

Śabdataraṅgiṇī p253

Language
Sanskrit

p253

avaśyakalpanīyakāraṇabhāvenākāṃkṣājñānenaivānvayabodhasaṃbhavāt vṛttiṃ vināpi tātparyanirvāheṇānvaye vṛttirna kalpanīyā .
yadi kvacit tātparyajñānādhīnabodhasya vṛttijñānanirvāhyatvadarśanāt sarvatra tathā kalpyate .
tadā kvacittātparyadhīnaśābdabodhasya śaktinirvāhyatvadarśanāt gaṅgāyāṃ ghoṣaḥ ityātrāpi tīratātparyādhīnabodhanirvāhāya gaṅgāpadasya tīre śaktiḥ syāt .
yadi ca śaktiṃ vināpi śakyasaṃbandharūpalakṣaṇayā tātparyādhīnatīrabodhanirvāha iti na tīre śaktirityucyate , tadā vṛttiṃ vināpi ākāṃkṣābalena tātparyajñānānvayabodhanirvāhāt nānvaye vṛttiḥ
kalpyate .
ataeva , padaśakyaḥ , vṛttyantaraṃ vinā padapratipādyatvādityanumānamaprayojakam ..
vināpi vṛttiṃ tātparyajñānādhīnabodhaḥ bahuṣu sthaleṣu dṛṣṭaḥ .
tathāhi , vahnitātparyeṇa dhūmo'stīti vākyaṃ prayujyañjate prāmāṇikāḥ .
tatra dhūmaśābdabodhe jāॉte dhūmenānumīyate vahniḥ na hyatra dhūmapadasya vahnau lakṣaṇāmabhyupagacchanti .