Pramāṇa · Search · About · API

Shabdatarangini p285

Śabdataraṅgiṇī p285

Language
Sanskrit

p285

evaṃ kaḥ śabdaḥ iti praśne'pi ghaṭaṃ ityayaṃ śabdaḥ ityuttarayanti .
ko'rthaḥiti praśne'pi ghaṭa ityayamarthaḥ ityuttarayanti .
tathā ca śabdārthapraśnayoḥ ekākārottaradarśanāt tanmūlatādātmyapratītiḥ tayā ca śabdārthayoḥ tādātmyaṃ siddhyati .
api ca,padaṃ śrutam, arthaṃ śṛṇu iti vyavaharanti .
atra ca arthapadaṃ na śabdaparam .
padaṃ śrutamiti pṛthagabhidhānāt .
api tu arthaparameva .
arthasya ca śrāvaṇapratyakṣakarmatvaṃ na saṃbhavati .
api tu śabdasyeva .
tasmāt śabdārthayoḥ tādātmyamabhisandhāyaiva "arthaṃ śṛṇu"iti vyavaharanti iti niruktaprayogamūlapratītyāpi śabdārthayostādātmyaṃ siddhyati .