Shabdatarangini p313
Śabdataraṅgiṇī p313
- Language
- Sanskrit
p313
śabdaḥ bodhakatvaghaṭitasaṃbandhabhinnasaṃbandhena prameyasaṃbaddhaḥ san bodhakaḥ pramāṇatvāditi prayoge pramāṇatvahetuprayojakaḥ vyabhicāraśaṅkāvārakatarkābhāvāt .
kiñca, anumānopamānaśabdāḥ paramarśa-atideśavākyārthasmaraṇa- padārthasmaraṇa-rūpajñāna-dvāraiva pramitijanakā iti pratyakṣamapi (cakṣurādi)jñānadvāraiva pramitijanakaṃ bhavet .
tathā ca pratyakṣapramāṇaṃ jñānadvārā pramitijanakaṃ pramāṇatvāt anumānādivat ityābhāsasāmyam .
api ca vahnidhūmayoḥ vyaptyacchedaḥ ityatra ko'sau vyaptyucchedaḥ .
na tāvat sāhacaryaniyamasyocchedaḥ, tasya sarvānubhavasiddhatvena tadabhāvasyāpādayitumaśakyatvāt .
nāpi vyāptyujñānasya anumitihetutvocchedaḥ tasmin satyanumitiḥ tadabhāve neti anvayavyatirekayoḥ kāraṇatāgrāhakayoḥ sattvena hetutvābhāvasyāpyāpādayitumaśakyatvāt .