Shabdatarangini p337

p337

yadyapi bauddhabāhyayorabhedādhyāsaḥ bauddhārthavādibhiḥ svīkṛtaḥ, tathāpi bāhyasya vastubhūtamutpattikartṛtvaṃ na saṃbhavati .
tasmāt pūrvoktarītyā arthāntare eva sūtratātparyāvadhāraṇāt na sūtrakartṛḥ gotamasya saṃmato bauddhārthaḥ .
evañca bauddhārthasya vicārasahatvāt na bauddhayoḥ śabdārthayoḥ tādātmyaṃ vācyavācakabhāvāparaparyāyaśaktyupakāramiti siddham..
nanu vācyavācakabhāvākhyasyātiriktasaṃbandhasya śaktitvābhāve'pi , klṛptamanādi bodhakatvameva padatadarthasaṃbandharūpaśaśaktistu iti cet ---
na .
bodhakatvajñānārthaṃ saṃketajñānasyāvaśyāpekṣaṇīyatvāt āvaśyakajñānaviṣayasaṃketasyaiva tādṛśaśaktitvamucitam .
na ca ---saṃketo na svarūpataḥ, nāpi sāmānyato jñāto hetuḥ api tu īśvarasaṃketatvena jñāta iti vaktavyam .
tacca na saṃbhavati , īśvarānaṅgīkartṛṇāṃ mīmāṃsakādīnāṃ śābdabodhānāpatterityuktamiti vācyam .