Shabdatarangini p347
Śabdataraṅgiṇī p347
- Language
- Sanskrit
p347
tasyāṃ yadyapi padaṃ viśeṣyaḥ, bodhakatvaṃ prakāraḥ,tathāpi tasyājñāne na pade viśeṣye bodhakatvaṃ prakāraḥ .
kintu icchāyāṃ viśeṣyabhūtāyāṃ padaviśeṣyakatvaṃ bodhakatvaprakārakatvañcetyubhayaṃ prakāraḥ .
tathā ca tātparyajñānasya pade bodhakatvāvagāhitvābhāvāt na śaktijñānarūpatvamiti lakṣaṇājñānasya kāraṇatvaṃ klṛptameva .
api ca , padasya yena yena saha vṛttiḥ gṛhītā, teṣāṃ sarveṣāmupasthitirjāyate .
teṣu ca yasya bodhe vaktustātparyaṃ jñāyate , tasya śābdabodho bhavati .
tasmāt tātparyajñānāt pūrvaṃ padārthopasthitirapekṣitā .
padāt padārthopasthitaye ca vṛttijñānamapekṣyate .
spaṣṭañcedamabhihitaṃ tātparyasya vṛttitvaṃ pariharadbhiḥ gadādharabhaṭṭācāryaiḥ śaktivāde sāmānyakāṇḍe .
tasmāt tātparyajñānāt pūrvameva vṛttijñānajanyapadārthopasthiterapekṣitatvāt tātparyajñānasya śaktijñānatvakathanaṃ na samañjasam .