Shabdatarangini p372
Śabdataraṅgiṇī p372
- Language
- Sanskrit
p372
guṇpradhānabhāvasya tatra dṛṣṭo viparyayaḥ..
iti haryukteḥ vivaraṇavākyādapi adhyayanakartureva bodhaḥ ityucyate .
tadā tadīyasiddhāntaddhasya vākyamātre dhātvarthamukhyaviśeṣyakabodhajanakatvaniyamasya bhaṅgaḥ evaṃ kṛṣṇasarpaḥ , gīṣpatiḥ ,dhanādhipaḥ , ityādau samāsavyāsayorekākārabodhajanakatvaṃ nāsti .
kṛṣṇasarpapadāt kṛṣṇasarpatvarūpajātiviśeṣāvacchinnasya , kṛṣṇaḥ sarpaḥ iti vākyāt kṛṣṇābhinnasarpasya ca bodhāt .
tasmāt niruktaniyame mānābhāvāt na tadanupapattyā rājapadasya rājasaṃbandhilakṣakatvānupapattiḥ ..
rājapadasya rājasaṃbandhe lakṣaṇāpakṣe tasya puruṣe abhedenānvayaḥ syāt ityapi na .