Shabdatarangini p375

p375

tasmāt samāsaghaṭakapadānāṃ vṛttaiva viśiṣṭārthabodhasaṃbhavāt na viśiṣṭārthabodhānyathānupapattyā samāsaśaktiḥ siddhyati..
yattu,citragumānayetyādau dvitīyārthānvayānurodhāt samāse śaktiḥ
siddhyatīti,tanna .
pratyayānāṃ prakṛtitvāśrayārthānvitasvārthabodhakatvameva svīkriyate .
gopadasya svarūpasaṃbandhena pratyayavidhānāvadhirūpakṛtitvāśrayatvāt tadarthena citragosvāminā dvitīyārthakarmatvānvayaḥ saṃbhavati .
na ca daṇḍanaṃ paśyetyatra daṇḍe darśanakarmatvānvayāpattyā nāyaṃ pakṣo yuktaḥ ityuktameveti vācyam .
saṃkhyātiriktasubarthasya prakṛtyarthasya prakṛtyarthaviśeṣyatayā bhānaniyamāt , daṇḍinaṃ paśya ityatra daṇḍasyaiva dvitīyārthakarmatve viśeṣaṇatayā anvayaḥ āpādanīyaḥ .
tacca na saṃbhavati, daṇḍapadārthasya inipratyayārthasaṃbandhiviśeṣaṇatvenopasthitvena ekatra viśeṣaṇatayopasthitasya anyatra viśeṣaṇatayā anvayo na iti vyutpattivirodhāt .
tathā ca nirūktavyutpattibalena dvitīyārthānvayaḥ saṃbhavati .