Pramāṇa · Search · About · API

Shabdatarangini p386

Śabdataraṅgiṇī p386

Language
Sanskrit

p386

yujyate caitat .
kathamanyathā gaṅgāyāṃ mīnaghoṣau staḥ ityatra dvandvasya sādhutā .
tathāhi -- devadatta ajadhanatvasya yajñadatte avidhānatvasya cānvayatātparyeṇa ajāvidhanau devadattayajñadattau iti prayogo na prāmāṇikaḥ .
evaṃ nīdhātvarthe vyāpāre ajāyāḥ, saṃyoge grāmasya cānvayatātparyeṇa ajāgrāmau nayati iti prayoge'pi na prāmāṇikaḥ .
anayośca prayogayoḥ prāmāṇyavāraṇāya dvandvārthasya ekadharmāvacchinnānvaye eva dvandvasya sādhutā iti niyamaḥ svīkaraṇīyaḥ .
evañca gaṅgāyāṃ mīnaghoṣau staḥ ityatra gaṅgāśabdāt lakṣaṇayā tīratvena tīrabodhe, mīnasya gaṅgātvāvacchinnena, ghoṣasya tīratvāvacchinnena cānvayāt dvandvasya ekadharmāvacchinnānvayābhāvāt dvandvasya sādhutā na syāt .
gaṅgātvenaiva tīrasyāpi bodhe ubhayorapi dvandvārthayoḥ gaṅgātvarūpaikadharmāvacchinnānvayāt samāsasādhutā nirvahati .