Shabdatarangini p85

p85

4. nīlamutpalamityādau sarvadarśanasiddhaḥ abhedaḥ na saṃsargaḥ saṃbhavati dviniṣṭhatvābhāvāt .
apitu , yathā rūpaghaṭayoḥ samavāyādhīnaḥ viśeṣaṇaviśeṣyabhāvaḥ na tathā nīlotpalayoriti saṃbandhāntarānavacchinnaviśeṣaṇaviśeṣyabhāvasamabhedasthāne'bhiṣiñcanti .
5.tārkikādibhirabhidhīyamānaṃ,ekavidhajñānaṃ prati anyādṛśajñānasāmagryāḥ pratibandhakatvaṃ naiva saṃbhavati .
vibhinnajñānadvayaghaṭitasāmagrīdvayasamāveśe sati, taddaśāyāmekavidhajñānasyaiva jananāt prabalāyāḥ tatsāmagryāḥ pratibandhakatvakalpanenānyādṛśajñānaṃ vāraṇīyaṃ syāt .
jñānānāṃ yaugapadyaviraheṇa taddhaṭitasāmagrīdvayasya samāveśa eva na saṃbhavati .
ataḥ tārkikāṇāṃ tathā pratibandhakatva kathanamasaṃgatameva .
evaṃ , etādṛśapratibandhakatājñānasyānupayuktatvāt , śābdasyādhikaviṣayatvābhyupagame, bhinnaviṣayakapratyakṣe śābdasāmagrīpratibandhakatākalpanālāghavopanyāsaḥkākadantaparīkṣāvannirarthakaḥ iti ghoṣayanti .